 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Перад зімовым сном палёў
Як не прайсьці па ціхіх пожнях,
Дзе безьліч прагуло вятроў
I столькі шэрых ліўняў позьніх.
Дзе за градою сасьняка
З апошніх памятных дажынак
Застаўся серп маладзіка,
Пакінуты маёй дзяўчынай.
Што ж па яго ня йдзе яна?
Хіба забылася... Начамі
Гарыць той серп па-над палямі
Да самай раніцы, да дня.
Мо' клікнуць, каб прыйшла сюды?
Не, хай да дня адпачывае.
Я ж пагляджу, яе сьляды
Як першы іней прыбірае.
1948
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
